Konsultime Publike

NJOFTIM PËR KONSULTIM ME PUBLIKUN – Konsultim publik për Paketën Fiskale të Bashkisë Konispol për vitin 2026 dhe Buxhetin e Bashkisë Konispol për vitin 2026.

Titulli : Konsultim publik për Paketën Fiskale të Bashkisë Konispol për vitin 2026 dhe Buxhetin e Bashkisë Konispol për vitin 2026.

Propozuesi i projektaktit: Kryetari i Bashkisë Z. Erges Dule.

Qëllimi: Ky bashkëbisedim me banorët dhe grupet e synuara te Bashkisë Konispol ka për qëllim mbledhjen e sugjerimeve të komunitetit lidhur me Paketën Fiskale të Bashkisë Konispol dhe Buxhetin e Bashkisë Konispol për vitin 2026.

Kalendari i konsultimit: Konsultimi me komunitetin do të zhvillohet në Bashkinë Konispol dhe Njësitë Administrative Xarre dhe Markat  sipas kalendarit më poshtë:

Data                   Ora                        Vendi

 

Njësia Administrative Xarre                                                   04.11. 2025                17.00                                    Qendra e fshatit

Konispol                                                                                  19.11.2025                 17.00                Salla e mbledhjeve te Bashkisë

Njësia Administrative Markat (Shalës)                                  20.11.2025                 17.00                                    Qendra e fshatit

 

Gjithashtu, sugjerimet e tyre janë të mirëpritura, në adresat e emaileve: [email protected] dhe [email protected]

Pjesëmarrës:

  • Nga ana e Bashkisë: Këshilltarët e Këshillit Bashkiak, Kryetar i Bashkisë, Sekretar i Këshillit Bashkiak, Koordinatori për Njoftimin dhe Konsultimin Publik, drejtues/punonjës të administratës, drejtoria e buxhetit dhe financës, sektori i tatim taksave, Kryetarët e Fshatrave dhe Administratoret e Njësive Administrative.
  • Nga komuniteti: Banorët e Bashkisë Konispol, anëtarët e shoqërisë civile, Përfaqësues të bizneseve, OJF dhe Media, Kryetarët e Fshatrave

 

 

 

 

 

Forma e konsultimit: Takim

Qëllimi i këshillimit publik Konsultimi publik në terren synon konsultimin për Paketën Fiskale të Bashkisë Konispol për vitin 2026 dhe Buxhetin e Bashkisë Konispol për vitin 2026.
 

Përshkrimi i çështjes

 

 

 Miratimi i draftit të buxhetit dhe paketës fiskale është një vendim i rëndësishëm që merret nga Këshilli i Bashkisë, pasi përcakton fondet që do të përdoren për të gjitha shërbimet / funksionet e ushtruara nga Bashkia dhe performancën e tyre. Këshilli i Bashkisë duhet të sigurohet që fondet publike shkojnë për përmirësimin e shërbimeve që ofrohen nga Bashkia për komunitetin dhe adresojnë nevojat e tyre, brenda kapaciteteve financuese të Bashkisë. Për këtë, Këshilli i Bashkisë do të organizojë këtë konsultim publik për të marrë mendimin dhe sugjerimet e qytetarëve. Gjithashtu, niveli i taksave dhe tarifave në paketën fiskale janë një element shumë i rëndësishëm dhe proces i cili duhet të kalojë përmes konsultimit të gjerë në publik.
Kontaktet dhe afatet e dërgimit të komenteve, rekomandimeve, vërejtjeve; Komentet dhe rekomandimet tuaja jepen në adresat e emailit të sekretarisë së Bashkisë Konispol dhe Këshillit Bashkiak: [email protected] dhe [email protected]. BRENDA DATËS 22.11.2025

 
 

 

Shpjegim të procesit që do ndjekë dhe veprimet qe do të ndërmarrë Këshilli për të shqyrtuar rekomandimet nga publiku deri në marrjen e vendimit

 

 

 Dërgimi i sugjerimeve të komunitetit do të jetë i mundur deri në datën 22.11.2025, nëpërmjet adresave të emailit: [email protected] dhe [email protected] :

Pas mbledhjes së rekomandimeve, Këshilli i Bashkisë dhe Bashkia Konispol do të ndjekë hapat si vijon:

1.       Realizimin nga ana e Sekretariatit të Këshillit i një Përmbledhje të Rekomandimeve dhe rezultateve të plota të takimit që përfshin të gjitha mendimet dhe propozimet që do të vijnë nga komuniteti dhe bërja publike e kësaj Përmbledhje;

2.       Dërgimi i kësaj Përmbledhje Rekomandimesh Kryetarit të Bashkisë, Komisionit të Ekonomise dhe Financës, taksave dhe tarifave dhe çdo këshilltari të bashkisë;

3.       Shqyrtimi nga ana e komisionit të ekonomisë dhe financës, taksave dhe tarifave të cdo rekomandimi dhe  opinioni.

4.       Publikimi i aktit në faqen e Këshillit të Bashkisë dhe në tabelat e informimit;

5.       Njoftimi i administratës për aktin e miratuar.

6.       Monitorimi i zbatimit të tij.
Data e publikimit 01.11.2025

 

 

1 Nëntor, 2025

NJOFTIM PËR KONSULTIM ME PUBLIKUN – Konsultim publik për Planin vendor të veprimit për barazinë gjinore, 2025-2028

Konsultim publik për Planin vendor të veprimit për barazinë gjinore, 2025-2028.

Propozuesi i projektaktit: Kryetari i Bashkisë Z. Erges Dule.

Qëllimi: Ky bashkëbisedim me banorët dhe grupet e synuara te Bashkisë Konispol ka për qëllim mbledhjen e sugjerimeve të komunitetit lidhur me Planin vendor të veprimit për barazinë gjinore, 2025-2028.

Kalendari i konsultimit: Konsultimi me komunitetin do të zhvillohet në Bashkinë Konispol, sipas kalendarit më poshtë:

 

Konispol      

Data                    Ora                        Vendi

13.08.2025                  11.00               Salla e mbledhjeve ne bashki

 

Gjithashtu, sugjerimet e tyre janë të mirëpritura, në adresat e emaileve: [email protected]

Linku i dokumentit: https://www.bashkiakonispol.gov.al/plani-vendor-i-veprimit-per-barazine-gjinore-2025-2027/

Pjesëmarrës:

  • Nga ana e Bashkisë: Këshilltarët e Këshillit Bashkiak, administrata e bashkisë
  • Nga komuniteti: Banorët e Bashkisë Konispol, organizata joqeveritare dhe shoqëri civile.

 

Forma e konsultimit: Takim publik.

Qëllimi i këshillimit publik Diskutimi dhe mbledhja e rekomandimeve sa i takon Planit vendor të veprimit për barazinë gjinore, 2025-2028.
 

Përshkrimi i çështjes

 

 

 Plani synon të sigurojë një qasje të integruar dhe të qëndrueshme për promovimin e barazisë gjinore në nivel vendor, duke garantuar pjesëmarrje të barabartë të grave dhe burrave në vendimmarrje, përmirësim të qasjes së grave në shërbime dhe mundësi ekonomike, si dhe mbrojtje të të drejtave të tyre.

Objektivat e Planit:

1.       Hartimi i një kuadri strategjik lokal që përcakton prioritetet për promovimin e barazisë gjinore në Bashkinë Konispol për periudhën 2025–2027.

2.       Identifikimi i fushave prioritare të ndërhyrjes për fuqizimin e grave dhe vajzave, duke përfshirë pjesëmarrjen në vendimmarrje, mundësitë ekonomike dhe përfshirjen sociale.

3.       Përcaktimi i objektivave specifikë, treguesve dhe rezultateve të matshme për monitorimin dhe raportimin e progresit.

4.       Sigurimi i një mekanizmi bashkëpunimi dhe koordinimi ndërmjet bashkisë, këshillit bashkiak, institucioneve arsimore, OJF-ve dhe komunitetit.

5.       Përfshirja e masave konkrete dhe të zbatueshme, duke marrë parasysh buxhetin e kufizuar të bashkisë dhe mundësinë e mobilizimit të mbështetjes nga partnerë dhe donatorë.
Kontaktet dhe afatet e dërgimit të komenteve, rekomandimeve, vërejtjeve; Komentet dhe rekomandimet tuaja jepen në adresat e emailit: [email protected]  BRENDA DATËS 19.08.2025

 
 

 

Shpjegim të procesit që do ndjekë dhe veprimet qe do të ndërmarrë Këshilli dhe adiministrata për të shqyrtuar rekomandimet nga publiku deri në marrjen e vendimit

 

 

 Pas mbledhjes së rekomandimeve, Këshilli i Bashkisë dhe Bashkia Konispol  do të ndjekë hapat si vijon:

1.       Realizimin nga ana e Sekretariatit të Këshillit ose personave përgjegjës në bashki të një Përmbledhjeje të Rekomandimeve dhe rezultateve të plota të takimit që përfshin të gjitha mendimet dhe propozimet që do të vijnë nga komuniteti dhe bërja publike e kësaj Përmbledhje;

2.       Dërgimi i kësaj Përmbledhje Rekomandimesh Kryetarit të Bashkisë, Komisionit të Barazisë Gjinore, të Ekonomisë dhe Financës, ve dhe çdo këshilltari të bashkisë;

3.       Shqyrtimi nga ana e komisioneve të cdo rekomandimi dhe  opinioni.

4.       Publikimi i aktit në faqen e Këshillit të Bashkisë dhe në tabelat e informimit.

5.       Njoftimi i administratës për aktin e miratuar.

6.       Monitorimi i zbatimit të tij.
Data e publikimit 09.08.2025

 

9 Gusht, 2025

PLANI VENDOR I VEPRIMIT PËR BARAZINË GJINORE 2025-2027

Plani Vendor i Veprimit për Barazinë Gjinore i Bashkisë Konispol përfaqëson një hap të rëndësishëm drejt një qeverisjeje më të përgjegjshme dhe të ndjeshme ndaj nevojave të të gjithë qytetarëve, pa dallim gjinor. Ky dokument është fryt i një bashkëpunimi të ngushtë midis stafit të bashkisë dhe anëtarëve të Këshillit Bashkiak, duke reflektuar vullnetin politik dhe angazhimin institucional për të avancuar barazinë gjinore si pjesë integrale të zhvillimit lokal.

Përmes analizave të detajuara dhe rekomandimeve të bazuara në vlerësime profesionale, plani synon krijimin e një kuadri të qartë veprimi që do të ndihmojë në identifikimin dhe eliminimin e pengesave strukturore që pengojnë barazinë. Përgatitja e tij është një dëshmi e përkushtimit për të ndërtuar mekanizma funksionalë që mbështesin pjesëmarrjen e barabartë dhe trajtimin dinjitoz të grave dhe burrave në çdo aspekt të jetës publike dhe institucionale.

Dokumenti ka për qëllim të jetë një mjet praktik në duart e administratës vendore dhe aktorëve të tjerë lokalë, duke u shërbyer si udhërrëfyes në zbatimin e politikave gjithëpërfshirëse. Në këtë mënyrë, Bashkia Konispol jo vetëm që promovon barazinë gjinore, por gjithashtu kontribuon në ndërtimin e një shoqërie më të drejtë dhe të barabartë për të gjithë qytetarët e saj.

 

Kliko këtu për të shkarkuar planin

9 Gusht, 2025

NJOFTIM PËR KONSULTIM ME PUBLIKUN – Konsultim publik për Planin Vendor i Arsimit Parauniversitar, 2026-2028

Konsultim publik për Planin Vendor i Arsimit Parauniversitar, 2026-2028.

Propozuesi i projektaktit: Kryetari i Bashkisë Z. Erges Dule.

Qëllimi: Ky bashkëbisedim me banorët dhe grupet e synuara te Bashkisë Konispol ka për qëllim mbledhjen e sugjerimeve të komunitetit lidhur me Planin Vendor i Arsimit Parauniversitar, 2026-2028.

Kalendari i konsultimit: Konsultimi me komunitetin do të zhvillohet në Bashkinë Konispol, sipas kalendarit më poshtë:

 

Konispol    

Data                    Ora                        Vendi

14.08.2025                 11.00                Salla e keshillit bashkiak

 

Gjithashtu, sugjerimet e tyre janë të mirëpritura, në adresat e emaileve: [email protected] dhe [email protected]

Linku i dokumentit: https://www.bashkiakonispol.gov.al/plani-arsimit-parauniversitar-2026-2028/

Pjesëmarrës:

  • Nga ana e Bashkisë: Këshilltarët e Këshillit Bashkiak, administrata e bashkisë
  • Nga komuniteti: Banorët e Bashkisë Konispol, organizata joqeveritare, shoqëri civile dhe grupe interesi.

 

Forma e konsultimit: Takim publik.

Qëllimi i këshillimit publik Diskutimi dhe mbledhja e rekomandimeve sa i takon Planit Vendor i Arsimit Parauniversitar për 2026-2028.
 

Përshkrimi i çështjes

 

 

Vizioni

Të sigurojmë një arsim parauniversitar gjithëpërfshirës, cilësor dhe të aksesueshëm për çdo fëmijë në territorin e Bashkisë Konispol, duke synuar zhvillimin e një sistemi që përshtatet me realitetin urban dhe rural, mbështetur në planifikim të diferencuar, infrastrukturë të përmirësuar dhe burime njerëzore të fuqizuara, për të garantuar barazi në mundësi arsimimi në të gjitha njësitë administrative.

Rekomandime të përgjithshme

 

1.      Vlerësim teknik i infrastrukturës për të konfirmuar realisht nevojat për rikonstruksion apo përmirësim të pajisjeve shkollore.

2.      Zhvillimi i një shërbimi psiko-social të qëndrueshëm në bashkëpunim me bashkinë dhe drejtoritë arsimore.

3.      Forcimi i përfshirjes së fëmijëve me nevoja të veçanta përmes ndërtimti të infrastrukturës së përshtatshme për sigurimin e aksesit.

4.      Zhvillimi i Bordit të Shkollës dhe strukturave komunitare për të rritur pjesëmarrjen dhe llogaridhënien.

5.      Mbledhja më e plotë e të dhënave në terren për komunitetet rome dhe egjiptiane për të vlerësuar nëse ka nevojë për ndërhyrje proaktive.

 
Kontaktet dhe afatet e dërgimit të komenteve, rekomandimeve, vërejtjeve; Komentet dhe rekomandimet tuaja jepen në adresat e emailit: [email protected] dhe keshillit bashkiak [email protected] BRENDA DATËS 18.08.2025

 
 

 

Shpjegim të procesit që do ndjekë dhe veprimet qe do të ndërmarrë Këshilli dhe adiministrata për të shqyrtuar rekomandimet nga publiku deri në marrjen e vendimit

 

 

 Pas mbledhjes së rekomandimeve, Këshilli i Bashkisë dhe Bashkia Konispol do të ndjekë hapat si vijon:

1.       Realizimin nga ana e Sekretariatit të Këshillit ose personave përgjegjës në bashki të një Përmbledhjeje të Rekomandimeve dhe rezultateve të plota të takimit që përfshin të gjitha mendimet dhe propozimet që do të vijnë nga komuniteti dhe bërja publike e kësaj Përmbledhje;

2.       Dërgimi i kësaj Përmbledhje Rekomandimesh Kryetarit të Bashkisë, Komisionit të Arsimit, Kultures dhe Sporteve, të Ekonomisë dhe Financës dhe çdo këshilltari të bashkisë;

3.       Shqyrtimi nga ana e komisioneve të cdo rekomandimi dhe  opinioni.

4.       Publikimi i aktit në faqen e Këshillit të Bashkisë dhe në tabelat e informimit.

5.       Njoftimi i administratës për aktin e miratuar.

6.       Monitorimi i zbatimit të tij.
Data e publikimit 08.08.2025
8 Gusht, 2025
AlbaniaUSA