Menaxhimi i mbetjeve dhe garantimi i një mjedisi të pastër janë ndër përgjegjësitë më të rëndësishme të pushtetit vendor dhe një faktor kyç për cilësinë e jetës së qytetarëve. Në Bashkinë Konispol, ku territori përfshin zona urbane dhe rurale me karakteristika të ndryshme, organizimi efektiv i grumbullimit të mbetjeve dhe mirëmbajtja e pastërtisë publike përbëjnë një sfidë të vazhdueshme, por edhe një prioritet të rëndësishëm për zhvillimin e qëndrueshëm të komunitetit.

Ky Plan për Grumbullimin e Mbetjeve dhe Pastrimin e Territorit përfaqëson angazhimin tonë për të ndërtuar një sistem modern, efikas dhe të qëndrueshëm të menaxhimit të mbetjeve, i cili i përgjigjet nevojave të qytetarëve dhe standardeve mjedisore. Dokumenti është hartuar mbi bazën e vlerësimeve konkrete të situatës ekzistuese, analizës së nevojave lokale dhe konsultimeve me institucionet dhe komunitetin.

Vizionin tonë e kemi të qartë:

“Të sigurojmë një shërbim gjithëpërfshirës, efikas dhe të qëndrueshëm të grumbullimit të mbetjeve dhe pastrimit të territorit në Bashkinë Konispol, duke garantuar mbrojtjen e mjedisit, përmirësimin e cilësisë së jetës së qytetarëve dhe rritjen e ndërgjegjësimit komunitar për një territor të pastër, të shëndetshëm dhe të zhvilluar në mënyrë të qëndrueshme.”

Ky plan nuk është thjesht një dokument pune, por një angazhim i Bashkisë për të ofruar shërbime cilësore për çdo qytetar, për të mbrojtur mjedisin dhe për të ndërtuar së bashku një Konispol më të pastër, më të gjelbër dhe më të denjë për brezat e sotëm dhe të ardhshëm.

Me besim dhe përkushtim,

Ergest Dule
Kryetar i Bashkisë Konispol

HAP TE PLOTE DOKUMENTIN:  Plani urban